NASKAH KHUTBAH JUM'AT
NUZULUL QURAN
Khutbah Pertama
ALHAMDULILLÂHIL QOOIL: SYAHRU ROMADHOONAL LADZII UNZILA FIIHIL QURAAN, HUDAL LIN NAASI WA BAYYINAATIM MINAL HUDAA WAL FURQOON. ASYHADU AN LAA ILAAHA ILLALLOOH AL-MALIKUR ROHMAAN, WA ASYHADU ANNA SAYYIDANAA MUHAMMADAN ABDUHU WA ROSUULUHU SAYYIDUL INSI WAL JAAN. ALLOHUMMA SHOLLI WA SALLIM 'ALAA SAYYIDINA MUHAMMADIN WA 'ALAA AALIHI WA SHOHBIHI AJMA'IIN. AMMA BA'DU
FAYAA AYYUHAH HAADLIRUUN, UUSIIKUM WA IYYAAYA BI TAQWALLOOH. FAINNAL JANNATA U'IDDAT LIL MUTTAQIIN.
QOOLALLOOHU TA'AALA FIL QURAANIL KARIIM, A'UUDZU BILLAAHI MINASY SYAITHOONIRROJIIM, BISMILLAAHIR ROHMAANIR ROHIIM:
شهر رمضان الذي أنزل فيه القرآن هدى للناس وبينات من الهدى والفرقان
Hadirin Sidang Jumat Rahimakumullah!
Sadaya puji kagungan Allah, Shalawat kalih salam salamina didugikeun ka jungjunan urang Nabi Muhammad Saw. Ka kulawargina, sahabatna, katut ka sadaya umatna dugi ka yaumil kiamat.
Khotib umajak ka sadaya hadirin sidang Jumat, hayu urang sasarengan ningkatkeun ajen kataqwaan urang ka Allah Swt. Margi mung ukur taqwa bekel pangsaena kanggo urang jaga di akherat. Fatazawwadû fainna khoiroj jâdit taqwâ.
Hadirin Sidang Jumat Rahimakumullah!
Di antawis kaagungan sasih Ramadhan teh, aya peristiwa anu agung nyaeta peristiwa Nuzulul Quran, nyaeta peristiwa dilungsurkeuna al-Quran ku Allah Swt. melalui malak Jibril AS.
Dupi waktos peristiwa Nuzulul Quran, para ulama benten pendapat.
Kahiji, dumasar kana pendapat Ibnu Umar, nyebatkeun Nuzulul Quran teh terjadi kaping 8 atanapi 18 Rabiul Awwal.
Pendapat kadua, dumasar kana riwayat Abu Hurairah, nyebatkeun yen Nuzulul Quran terjadi kaping 17 atanapi 27 Rajab.
Pendapat katilu, dumasar kana pendapat Ibnu Ishaq riwayatna ti Al-Barra bin 'Aziz, nyebatkeun Nuzulul Quran terjadi kaping 17 Ramadhan.
Pendapat kaopat, dumasar kana pendapat Syekh Shafiyur Rahman Mubarak Fury, nyebatkeun Nuzulul Quran terjadi kaping 21 Ramadhan.
Pendapat terakhir, berdasarkeun pendapat Ibnu Hajar Al-Haitamiy, riwayat Aisyah, Jabir, sareng Watsilah bin Asqo, nyebatkeun Nuzulul Quran terjadi kaping 24 Ramadhan.
Janten, upami urang sadaya biasa mieling Nuzulul Quran kaping 17 Ramadhan, berarti ngiring kana pendapat Syaikh Barra bin 'Aziz. Anapon persolan benten pendapat, teu kedah janten perselisihan, margi perbedaan pendapat, pada hakikatna, janten rahmat kanggo urang sadaya. Dawuhan Kangjeng Rasul Saw.: "Al-ikhtilâfu fî ummatî rohmatun; perbedaan anu aya di kalangan umat kami, saur Rosul, eta jadi mangrupakeun rahmat".
Hadirin Sidang Jumat Rahimakumullah!
Dalil anu ngunggelkeun wireh Nuzulul Quran terjadi di sasih Ramadhan, nyaeta dawuhan Allah Swt. Q.S. Al-Baqarah ayat 185:
شهر رمضان الذي أنزل فيه القرآن هدى للناس وبينات من الهدى والفرقان
Anu maksadna:
"Bulan Ramadhan teh, bulan dilungsurkeunana Al-Quran, anu janten pituduh keur sakumna manusa, anu bisa misahkeun mana anu haq jeung mana anu bathil".
Dalil anu sanesna nyaeta Q.S. Al-Qadr ayat 1:
إنا أنزلناه في ليلة القدر(1) وما أدراك ما ليلة القدر(2) ليلة القدر خير من ألف شهر(3) تنزل الملائكة والروح فيها بإذن ربهم من كل أمر(4) سلام هي حتى مطلع الفجر(5)
Hartosna:
"Saestuna Kami nurunkeun Al-Quran dina maleman Lailatul Qadar"
Hadirin Sidang Jumat Rahimakumullah!
Ayat kahiji surat al-Qadr ngajentrekeun yen Al-Quran lungsur dina wengian Lailatul Qadr. Hiji wengi anu mungguh Allah diberkahan ku Mantena. Dawuhan Allah Swt. Q.S. Ad-Dukhan ayat 3:
إنا أنزلناه في ليلة مباركة إنا كنا منذرين
Hartosna:
"Saestuna Kami Nurunken (al-Quran) dina peutingan anu dibekahan, Saestuna kami nyata anu mere peringatan".
Hadirin Sidang Jumat Rahimakumullah!
Dina surat al-Qadr ayat kadua aya istifham wa mâ adrâka. Numutkeun sabagian ulama, kalimat istifham wa mâ adrâka, dina al-Quran, sadayana digunakeun kango nunjukkeun perkara atanapi kajadian anu LUAR BIASA, sareng manusa moal terang kana hakikat anu saleresna. Misalna, wa mâ adrâka mal Qâri'ah, wa mâ adrâka mâ hiyah, sareng anu sanesna.
Janten, Hadirin Sidang Jumat, kasimpulanana yen Lailatul Qodar, di mana al-Quran dilungsurkeun teh, hiji kajadian anu hakekatna mung Allah anu uninga. Kabagjaan anu kalintang ageungna pikeun jalmi anu kenging kamulyaan Lailatul Qadar.
Hadirin Sidang Jumat Rahimakumullah!
Anu paling penting kanggo urang, peristiwa Nuzulul Quran ulah mung saukur peringatan anu sifatna ritual. Tapi, kumaha carana al-Quran janten pribadi urang sadaya.
Al-Quran mangrupikeun kitab suci anu salamina saluyu jeung zaman, maka urang sadaya kudu akur jeung zaman. Hartosna, kudu bisa ngigelan zaman. Sabab sifat dasar muslim anu Qurani, nyaeta shâlihun li kulli zamânin wa makânin.
Al-Quran ngajarkeun ka urang supaya urang mangfaat, sanes mung ukur pikeun papada jalma, tapi manfaat pikeun sakumna alam. Maka urang kedah janten jalmi anu rahmatan lil 'âlamîn, nyaah ka jalma, nyaah ka sakumna alam.
Al-Quran ngajarkeun supaya urang nyandarkeun sadaya aktivitas amliyah urang kana kaikhlasan, maka sadaya anu patali sareng amal urang kudu ikhlas. Ngator ikhlas, nyawah ikhlas, dagang ikhlas, ngebon ikhlas, mingpin umat ikhlas, sadayana kudu ikhlas. Syekh Yusuf Qardawi ngunggelkeun mâ kâna lillâhi dâma wat tashola, wa mâ kâna lighoirihi inqotho'a wan fashola.
Hadirin Sidang Jumat Rahimakumullah!
Mudah-mudahan urang sadaya tiasa berakhlak luyu sarena al-Quran. Tiasa ngajantenkeun al-Quran sebagai minhâjul hayât, di mana wae sareng iraha wae urang aya. Amin yâ rabbal 'âlamîn.
BARAKALLOOHU LII WA LAKUM MINAL AAYAATI WA DZIKRIL HAKIIM. WA TAQOBBALA MINNII WA MINKUM TILAAWATAHU, INNAHU HUWAS SAMII'UL 'ALIIM.
Khutbah Kadua
Alhamdulillaahi wa kafaa wash sholaatu was salaamu'alaa rosuulil mushthofaa, wa 'alaa aalihi wa shohbihi ahlish shidqi wal wafaa. Alloohumma sholli 'alaa sayyidina Muhammadin wa 'alaa aalihi wa shohbihi ajmaiin.
Fayaa ayyuhal ikhwan, ittaqulloha haqqo tuqootihi walaa tamuutunna illa wa antum muslimuun.
Qoolalloohu ta'aala fil quraanil kariim: Innalloha wa malaaikatahuu yusholluuna 'alan Nabiyy, yaa ayyuhal ladziina aamanuu sholluu 'alaihi wa sallimuu tasliimaa.
Allohummagfir lil muslimiina wal muslimaat, wal mu'miniina wal mu'minaat al-ahyaa'I minhum wal amwaat.
Subhaana robbika robbil 'izzati 'ammaa yashifuun, wa salaamun 'alal mursaliin, wal hamdu lillaahi robbil 'aalamiin.
IBAADALLOOH. INNALLOOHA YA'MURU BIL 'ADLI WAL IHSAAN, WA IITAA'IDIL QURBAA WA YANHAA 'ANIL FAKHSYAA'I WAL MUNKAR WAL BAGHYI. YA'IDZUKUM LA'ALLAKUM TADZAKKARUUN. WALADZIKRULLAHI AKBAR. ASTAGHFIRULLOOH LII WA LAKUM.
